بتـــــاريخ : 4/10/2013 12:58:21 PM
الفــــــــئة
  • الأســـــــــــرة
  • التعليقات المشاهدات التقييمات
    0 3767 0


    طريقة عمل مكرونة بولنيز

    الناقل : SunSet | العمر :36 | الكاتب الأصلى : حور مقصورات | المصدر : food.fatakat.com

    كلمات مفتاحية  :

    وصفة و طريقة عمل مكرونة بولنيز في مطبخ فتكات

    • المقادير: بصلاية كبيرة شوية مفرومة فصين توم مفرومين فلفل أخضر و ألوان مقطع صغير صلصلة مكرونة هاينز طماطم مستوية للبشر " لو حابة تستخدمي عصير طماطم مكانها زي ما تحبي ربع كيلو لحمة مفرومة كيس مكرونة " يفضل اسباجيتي أنا استخدمت مكرونة قلم بهاراتك بقى اللي بتحبيها " أنا استخدمت ماجي فورية عارفة إن في ناس مش بتفضلها في الأكل بس أنا بحب أضيفها للحمة المعصجة _ فلفل أسمر _ رشة صغيرة كمون _ شوية شطة حسب الرغبة مزودتش بهارات تانية لان صلصة المكرونة بتاعت هاينز فيها بهارات أصلا _ و ملح أكيد
      • التحضير: سلق المكرونة { كلكوا عارفين الطريقة طبعا هنغلي المية مع شوية زيت و ملح و لما تغلي
        نضيف المكرونة و بعد دقايق ندوقها استوت هنطفي و ونصفيها و نشطفها بشوية مية و نسيبها تتصفى على ما نخلص
      • الطبخ: تحضير صوص البولونيز
        على النار
        نحط الزيت و لما يسخن
        ننزل البصل المفروم
        لما يدبل البصل نضيف الثوم المفروم و الفلفل الألوان
        لما يدبل الفلفل نضيف اللحمة المفرومة
        و نقلب بقى شوية لغاية ما تستوي و نضيف بهاراتنا ومرقة ماجي و نبشر عليها الطماطم
        و معلقتين الصلصة
        لما تستوي اللحمة و تكون الصلصلة تقلت كدة و اتسبكت و نكون ظبطنا بهاراتنا و ملحنا
        كدة نكون خلصنا و أدامك اختيارين
        إما هتقدمي المكرونة مسلوقة بيضة كدة و الصوص ع الوش
        أو هنضيف المكرونة للصوص و نسيبهم شوية على نار هادية
        لو عايزة تضيفي بقى جبنة موتزاريلا أو رومي مبشورة ع الوش ماشي


    كلمات مفتاحية  :

    تعليقات الزوار ()