بتـــــاريخ : 12/30/2011 4:08:07 PM
الفــــــــئة
  • الأســـــــــــرة
    		•
    التعليقات المشاهدات التقييمات
    0 865 0
    طباعة أخبر صديق

    موضوعات متعلقة

    طريقه عمل الكاتشب الحار طريقة عمل كيك شوكولاته للريجيم الخطوات البسيطة لعمل إطار صورة طريقة عمل كفتة البطاطس طريقة عمل كوكتيل الحليب مع الفراولة طريقة عمل فطائر البيتزا طريقة عمل كوكتيل الصيف المنعش

    مختارات من نفس الفئة

    بالفيديو فنون عمل القهوة بيوتي فيرجن غشاء البكارة الصناعي ملف كامل للعنايه بالشعر من الألف الى الياء

    احلى طريقة لعمل الكريب والكانيلونى

    الناقل : SunSet | العمر :36 | الكاتب الأصلى : * غادة * | المصدر : konyonsa.com

    كلمات مفتاحية  :
    ازيكم يا بناويت وحشتونى كتير كتير
    النهاردة جيبالكم طريقة عمل الكريب زى اللى بيتباع برة فى المحلات وكلنا بنموت فيه



    ندخل فى المهم:



    2 كوب دقيق
    2 بيضة
    كوب لبن
    كوب ماء
    ذرة ملح



    الطريقة بقى نخلط كل المكونات ونصفيهم ونسيبهم ساعة

    وبعدين نجيب مقلاية كبيرة (انا مشترياله الطاسة المجوز دى مخصوص) وندهنها بالزيت بس يا دوب تلميس بس و ندهن مره اه ومره لا ونحطها علي النار
    ولما تسخن نحط فيها كبشه واحده اللى هى متوسطة مش كبيرة بتاعة الشوربة ومش معلقة الاكل
    وبعد ما نحط الكبشة دى نحركها بسرعه علشان تتفرد والمهم تكون رقيقه جدا
    ونسيبها علي النار لحد ما الحواف تخلع وتاخد لون
    ونقلبها الناحيه التانيه وشويه صغيره نطلعها ونحط اللي بعدها وهكذا
    وبكدة يبقى الكريب جهز
    نيجى للحشو
    ممكن تحشى اى حاجة شاورما, عصاج , سوسيس , جبنة , فراخ بانيه الموجود يعنى
    وياريت لما تيجى تحشيها فراخ او شاورما او سوسيس تكونى مقطعة بقى فلفل وطماطم وبصل وتجيبى زيتون وجبنة

    وتجيبى بقى الكريباية من دول
    هتبقى مدورة تحطى على نصها الحشو بعد ما تدهنيها كاتشاب لو حابة يعنى وتتنى النص التانى عليه هيبقى عامل نص دايرة
    تقومى تقفليها على بعض زى الكتاب هتعملى مثلث يارب اكون عرفت اشرح والتقفيلة دى عشان ميقعش منه اى حشو

    بعدين بتدهنى صينية بسيط وترصى الكريب وع الفرن وممكن تلونى وشه بكاتشاب و دوقى بقى وادعيلى والف هنا وشفا مقدما
    وقريب ان شاء الله هنزلكم طريقة حلوة قوى لعمل صينية كريب



    وهنكمل الطريقة عشان نعمل احلى كانيلونى ( نحضر الكريب على جمب)
    نقره على هذا الشريط لعرض الصورة بالمقاس الحقيقي


    و نعصج اللحمة (لحم مفروم مع بصل مبشور وفلفل اسود وملح (والاضافات لو حابة: كاري وورق لورا وحبهان )
    ونلف الكريب ونرصه فى صينية مدهونة عشان ميلزقش
    وندهن وشه بطماطم مفرومة أو مبشورة (أفضل من صلصة الطماطم ويمكن استخدام الصلصة) وجبنة شيدر او رومى مبشورة وممكن كمان موتزاريللا مبشورة عشان المنظر ( فى ناس بتحط ع الوش بشاميل بس انا عن نفسى مش بحبه)
    وندخلها الفرن 10 دقايق كدة ونفتح عليهم الشواية حبة صغنيييييين عشان الوش يحمر
    وبالف هنا وشفا




    كلمات مفتاحية  :

    تعليقات الزوار ()

    Copyrights© 2007 Manqol.com