إلا أنا وانا افرد الحزن واطويه ما اذكر لغير الله وطيت راسي من يوم ميلادي بدت رحلة التيه اكبر ويكبر داخلي جرح قاسي ابني الأمل ثم اهدمه وارجع ابنيه طموحي اكبر من مسافات ياسي اعرف متى ؟ واعرف لمن ؟ دمعي اهديه لحظة يقين تشدني لالتباسي فيني وطن ماله زمن والتقي فيه وارسم ملامح فيه لاهلي وناسي فيني طفل ماله اسم وييش اسميه؟! احبني واحب كره الكراسي فيني وعد صعب اكسره واصعب اعصيه نذرت له جفن انتباهة نعاسي إلا أنا صحو المطر جيت اصحيه ليت العطش مابات في جوع كاسي كم باب با اسمي قال! ما قلت لبيه اخترت كيف انسى ليا كنت ناسي ياصاحبي هذا الوجع جيت اغنيه لك , وانت غنه دمعتك للأماسي