طريقة البطاطس الفرسكس بتاعة كوك دوور تحفة و بالصوص بتاعها
الناقل :
SunSet
| الكاتب الأصلى :
* غادة *
| المصدر :
konyonsa.com
ازيكم يا بنات عاملين ايه
يارب بخير دايما
النهاردة جيبالكم طريقة عمل البطاطس الفرسكس التحفة بتاعة كوك دور بالصوص بتاعها
هى عيبها الوحيد انها بتلزق فى بعضها كدة لما تيجى تقليها بس كنت بفرقهم لما اطلعها من الزيت بس بجد طعمها جميل والله لما افتكرتها النهاردة قلت هعمل منها بكرة باذن الله
هبطل رغى وادخل فى المفيد
بطاطس
كوب دقيق
2 ملعقة كبيرة بيكنج بودر
نصف ملعقه فلفل احمر (بابريكا )
ملعقة كركم
ملح
تقطع البطاطس صوابع ثم تخلط بالدقيق والبودر والفلفل والكركم والملح مع قليل من الماء ( ممكن منضيفش ماية لان البطاطس بيبقى فيها مايتها) حتى تلتصق بالبطاطس تترك نصف ساعة ممكن فى المطبخ او فى التلاجة او فى الفريزر ثم تقلى وبالهنا والشفا
* ملحوظة لنتيجة افضل تترك البطاطس مفرودة على صينية مثلا مش في طبق غويط
نيجى بقى للصوص بس معملتهوش بصراحة قبل كدة بس اللى تحب تجرب ياريت تقولنا النتيجة
نصف كوب مايونيز + 2 ملعقة طعام كاتشاب + ملعقة طعام خل + 2 ملعقة صغيرة سكر + ملعقة صغيرة بصل مقطع صغير قوى + رشة ملح + رشة فلفل
نخلط جميع المقادير جيدا مع التقليب حتى يمتزج الطعم جيدا
اوعوا تحطوا الصوص فوق البطاطس
لا ده لوحده وده لوحده
بلاش تكتروا الخل او المايونيز قوى عشان مايبقاش طعمهم هو الغالب
وبالف هنا وشفا