بتـــــاريخ : 10/7/2011 3:18:33 PM
الفــــــــئة
  • الآداب والثقافة
  • التعليقات المشاهدات التقييمات
    0 921 0


    واسكندرية

    الناقل : SunSet | العمر :36 | الكاتب الأصلى : مجدي نجيب | المصدر : www.adab.com

    كلمات مفتاحية  :
    ادب شعر عربي اسكندرية مشاويري

    جينالك والبلح أخضر

    ومشينا والبلح أحمر

    والشمس ضحكه هلاليه

    آه يا اسكندريه

    بحرك أزرق واصفر واحمر

    والنسمه ماشيه بتتمختر

    زي البنات ساعةْ المغرب

    باحسّ بالفرح يقرّب

    ويدق قلبي وأتذكَّر

    يوم ما حبيتك إنتي

    وآه يا اسكندريه

    آه ولمّا .. آه ولمّا

    لمّا باكون وِسْط اللمّه

    يتوه كتير وسط الزحمه

    لكن بشوف قلبك بيتي

    ما انتي الهوا وانتي النسمه

    معايا مهما بعيده كُنتي

    وآه يا اسكندريه

    نغم نسيمك مزاميري

    مشيت معاكي مشاويري

    وعشنا ياما في سفينه

    بتلف من مينا لمينا

    دايمًا الفرحه تجيبنا

    نعيش سوا مهما بعدتي

    وآه يا اسكندريه

    لما أغني بكون موالك

    ييجي النسيم يرسم عشاقك

    بانيتيلي ياما قصور في رمالك

    ده الحب عاش في القلب عشانك

    عصفور في قلبي اللي نادالك

    سهرانه دايمًا ولا نمتي

    وآه يا اسكندريه

    كلمات مفتاحية  :
    ادب شعر عربي اسكندرية مشاويري

    تعليقات الزوار ()