عشان لسه الامانى كتير
ساعات نضحك
ساعات نبكى
ساعات نركب بساط ونطير
ندور ع اللى راح يمكن
يكون طاير ف وسط الطير
ونرجع من هناك واحنا
جروح زادت على جروحنا
لكين ف القلب حلم عنيد
بيدفعا نكمل سير
ومهما بعدت المسافات
ومهما كترت المشاوير
هيفضل حلمنا عايش
ندوس ع المستحيل مره
ونتعايش مع مُره
ومهما الحيره تصحبنا
هنرسم بالامل فكره
تجمّعنا
ولا ننظر لشىء ممكن
يتوهنا
وعن اجمل امل فينا
يضيعنا