وصَيتْ قلبي عليك
وصَيتْ قلبي عليك وفكري وظنِّي
ان غبت عنهم عليك عتابهم هادي
ما ودٌي تجرح شعورك كلمةٍ منِي
وانته حياتي وعمري ومهجةْ فـــوادي
ودي تعيش العمر راضي ومتهنِّي
مرفوع راسك عليك العـز متبادي
يا تاج راسي وانته منِّي وعنِّي
تــأمر وتنهي وامـــرك أول الـــبادي
من كثر حبِّي عليك الخوف يمحنّي
وافقد شعوري واشوفك غاية مرادي
ان غاب صوتك أناجي الليل واونِّي
واتخــيِّلك واتذكّـر هــامةْ بـــلادي
مديون لك بالغلا والحب متجنِّي
يا مستحل الفواد العاشق الغادي
من يشبهك في البشر يا ذوقي وفنِّي
يا راحتي وبسمتي وموتي وميلادي
وصّــيتْ قلــبي عليك وقــال مــبلنِّي
واحذر غيابك على قلبي مَهٌبْ عادي